يوم نحس

انا فاكر فى مره صحيت من النوم الدنيا من حواليا شايفها غيوم
بصيت جانبى شمال ويمين مش فاكر حتى الشقه ولا عارف انا ابقى مين
افتكرت اخر حاجه وانا داخل ع الكمين والبت رانيا جبنى بتقولى كلم الامين
هديت حبه حبه وقفت العربيه والرخصه مش معايا وعامل دماغ غبيه
والبت ميرنا ورايا ومعاها نص وقيه وازايز البيره فى الشنطه مرميه

دخلت على الامين قولته ليله هنيه راح بصلى وضاحك قالى ورقه بميه
قولتله عيب عليك دا اانا م المطريه
اديته قرش حشيش قولتله غيره مفيش قالى قشطه يا مان عايزك تعيش

خت العربيه وطرت قوام خطرت فى بالى فكره خلتنى فى التمام
هطلع ع الشقه بتاعتى م انا معايا حريم على طول من غير م افكر
كلمت الولا كريم قالى كلو تمام فى السليم
بحط ايدى فى جيبى هوبا ملقتش المفتاح قلت مفيش غيره هو ابو صلاح
وبسرعه قولتله تعالى بس من عايز سياح قالى انا طبعا راشق ومعايا البت صباح

بس خلاص مبقاش فى حد تانى لقيت نفسى متأخر فاضل قدامى ثوانى
كدا اليوم هيفكس م هو دا اللى ناقص روحت مزود سرعه و ع الماتور انا قارص
لقيت عربيه ورايا جايه عماله تنور واحده التانيه التالته وكلو عمال يزمر
وانا قاعد مش فاهم حاجه شارب حاجات تدمر
لقيت ميرنا عريانه ورانيا طبعا بتصور وبنات عماله تسقف وشباب عمال يصفر

المهم وصلنا الشقه لقيت قدامى مفاجأه حكومه فى كل حته
عساكر فى كل بيت ضباط فى كل مكان صوت عالى يقول هنضرب فى المليان
رفعت ايدى لفوق وانزلت معاهم بالذوق ركبت معاهم البوكس وعلى قسم باب اللوق
وهناك اتعملى قضيه وشيلونى المسؤليه بيقولوا ان انا ارهابى بيدبر لعمليه